Kwentong Salon.

Nagkaroon ka na ba ng ka-isa-isang taong ipanagkatitiwala sa iyong buhok?

Pwes, ako? Oo, pero takte naman, pagkatapos kong magpagupit ng 2 beses sa kanya ay mukhang nasisante na siya sa nasabing salon.

Naalala ko pa noong una dahil minamasahe ako ng isang stylist habang inaantay ko daw si 'Joey', sa sarap ng masahe ay inabutan pa ako ng FHM at naisipan kong magbasa muna. Pero napansin ko na may isang maskuladong lalaki na gumugupit sa tabi ko ang sipat ng sipat sakin.

Inisip ko na baka na distract siya sa magazine na binabasa ko. Hindi pala, siya si Joey.

Noong una eh maiisip mo na isa siya sa nawawalang miyembro ng Cueshe.

Tinanong ako: "Boss, anong gupit?"

Sabi ko: "Ikilian mo ng husto, nipisan mo na din"

Di siya kumibo at pakiramdam ko ay ang gunting na ang sumagot sakin, mabigat ang kamay niya at talagang naalog ang ulo ko sa rahas niya mag-gupit gamit ang 'bunging gunting" na nakalimutan ko ang tawag. Pagkatapos ay iniwan niya ako at pumunta sa ibang customer, walang abog-abog na iniwan ako.

Tapos na pala, pakiramdam ko ay bitin, parang mas matagal pa yung pagtingin ko sa katawan ni Iwa Moto kaysa sa gupit sakin. Medyo duda ako na ginupitan ako. Pagka-shampoo at pag-upo ko ulit ay nakita ko ang napakagandang gupit! Takte, parang magic!

DYUSKO LORD! teka, doble ba?

Sabi ko sa sarili ko, ito na ang magiging 'stylist' ko poreber! At matapos ang tatlong lingo ay bumalik ako, ganoon nanaman ang nangyari, mas matagal pa ang paglipat ko ng pahina ng FHM kaysa sa gupit. Mabilis at malinis.

Pero nitong nakaraang buwan ay bumalik ako, pagpunta ko sa frontdesk nila na parang sa himpilan ng pulis, ito ang nangyari:

Ako: Miss, hair cut lang.

Miss na may exposed na *tooot* : Sir, sino pong stylist nila?

Ako: Ah, nakalimutan ko name niya, basta lagi siyang naka-pula at parang nawawalang miyembro ng Masculados. (Malimutin ako sa pangalan)

Miss na may malaking *tooooot*: (May inabot na parang class picture) Ahihihihihi!!! Sir, paki-tingnan po dito sa picture kung sino dito.

Ako: Eto! Oh, bakit walang ulo sa picture?! Patay na?

Miss na may *bull bar*: Ah Sir! Si Joey? Ah, wala na po siya dito eh.

Ako: Nasaan na siya?!

Miss na may *bagpack sa harap*: Ah, hindi po namin alam eh.


Habang nangyayari ang pag-uusap ay may ilang stylist ang maganda ang ngiti sakin.

Umatras na ako.



Kaya please naman David's, ibalik niyo na ang wrestler na yun!

kaya ko naman ito kinekwento ay sabay kaming nagpagupit ng SPECIAL SOMEONE ko, hehehe... At ok naman ang gupit samin. Galing! kaya baka dun na ako palagi magpapagupit.


At paalam na pareng Joey, isa kang alamat.

-JLongboy

Mga litrato na bihira mo lang makikita. Hah!

Mga litrato na kinuhanan ko nitong summer classes, alam niyo naman ako na kahit maliliit na bagay ay napapansin ko. Pero uunahin ko muna ang isang note na nakalagay sa toilet ng isang karinderia na kinakainan namin sa Lerma. Grabe, lakas ng impact!



Translation:

"PANATILIHING MALINIS ANG PALIKURAN."

Next!








Ito naman ay nakita ko sa tricycle.





TRANSLATION:

"MGA P*****-**A NIYO! FINDERS KEEPERS! LOSERS WEEPERS!




Ayun, next topic please...

-----------------------------------------------

Dahil gusto kong i-share kung ano ang itsura ng Chinese Yoyo... Eto...



Laki no? Oo.. Alam kong wala kang pakialam. Pero bago ka umalis sa site na ito ay hulaan mo kung ano itong susunod na picture.



WAG MAG-ISIP NG MASAMA. Maari ay sumagot sa "papalag?" link para mag-comment o kaya sumagot sa chatbox sa left side ng mirror mo.


Tinotopak ang Photobucket, kainis.
-JLongboy

Ang kape nga naman...

Nagka-kape ako sa canteen ng aking hamak na unibersidad at binuksan ni manang ang telebisyon. Hinhalo ko maiigi ang kape ko... Hinalo ko ng hinalo...

News ang palabas pero may siningit na Pinoy Big Brother sa news at pinakita ang saglit sa loob nang nasabing ‘bahay’. Dahil sa pagka-inosente ko nasabing palabas ay nagkataka kung bakit may foreigner na nakabihis ng traditional dress ng mga Pinay noong panahon ng mga Kastila. Tapos ay lahat sila ay sumasayaw sa isang ‘jingle’ kahit antok na antok pa sila. At biglang nag-commercial break at saktong campaign ad ng isang tumatakbong senador ang pinalabas.

Dahil nga napag-aralan ko ang advertising ay may ideya ako kung gaano na kalaki ang nagastos nila sa radyo, telebisyon at print. At sumahin pa natin ang mga hayop na posters. Mukha na tuloy mummy yung mga poste eh. Isipin mo, ang kakapal ng mukha nilang ilagay ang mukha sa sangkaterbang poster na pwede ng takpan ang kalahati ng Pilipinas.

Isipin mo, kung susumahin mo ay limpak-limpak nang salapi ang nagastos nang mga kandidato natin lalo na sa mga tumatakbong senador. Marahil ay pwede na nilang bilhin ang Pilipinas kung pagsasamahin lahat ng gastos nila.

Ngayon marahil ay nagtataka kung anong kinalaman ng Pinoy Big Brother sa Eleksyon?

Eto ang ideya ko, paano kaya kung yung mga tumatakbong senador ang ilagay natin sa loob ng bahay ni ‘Kuya’, malamang eh panoorin yan ng buong bayan, at marahil ay papanoorin ko yan!

Sa ganoong paraan ay makikita natin ang totoong kulay nang mga ito. Kung sino ang matakaw, pala-mura, madaldal, ang hindi talaga matalino at bihirang maligo.

Kung sino ang maarte, hindi marunong mag-saing at hindi marunong makipag-kapwa tao.

Hindi natatapos yan diyan, matapos kung humingi ng tulong sa mga kaibigan kong nanonood ng PBB ay dapat ding pasayawin ang mga feeling senador sa sarili nilang jingles sa loob ng isang araw. Kung alam lang nila kung gaano na akong sukang suka sa mga jingle nila. Para naman ma-umay sila sa sarili nilang pangalan.

Tingnan natin kung mabubuhay sila ng walang goons este bodyguards sa tabi nila.

At oo nga pala, tuwing gabi ay magkakaroon ng debate ukol sa mga balak nila, makikita din natin ang pagkakaiba ng pananaw ng mga pulitiko.

Sana ganon nga, kung nangyari ito ay wala silang TV, Radio and Print ads diba? Edi ang linis pa ng kapaligiran diba? Tipid pa sa gastos dahil ang dapat lang gawin ay magpakatotoo sa harap ng camera, ang mata ng madla.

Oo nga pala, may tanggalan dun diba? Edi lahat ng magsasabi ng salitang ‘PANGAKO’ ay maalis ng ora mismo!

Sa mga lokal na kandidato naman, magpatayan na kayong lahat para wala ng matira ni isa sainyo.

UMAYGAD, wala na akong magawa.