Kwentong FX, probably the final chapter.

*bwahahahaha! ang paghihiganti! ahihihihihihi!*

Habang binabagtas ko sakay ng matinong pampasaherong Toyota Revo ay namataan ko ang FX na kasumpa-sumpa sa lahat. Nakasakay ako sa harapan kasama ang kaklase ko at nalaman ko nasakyan na din pala niya ang sinumpang FX na magtatakda sa ating lahat na magpaypay ng walang humpay.

Nagulat lahat ng sakay nang bigla akong napahiyaw, akala nga yata nila ay nagdiklera ako ng holdap. Medyo natuwa sila sa enthusiasm ko na makakuha ng picture ng nasabing FX. Hindi ako binigo ng cameraphone ko at sunod-sunod ang kuha ko na parang SLR ang dala ko.

Na-curious din si manong na katabi namin at tingin din ng tingin sa Vehicle From Hell. (Itago nalang natin sa tawgang 'VFH666'. Di yan plate number.)


"Kawawang mga pasahero are!!!"


Ayon kay manong ay sira na daw ang ahhh… basta part ng sasakyan kung kaya’t ganoon. Mayroon din daw siyang pinasada na ganoon dati at imbes na dalhin sa kalsada ay iniwan na nya lang sa operator dahil di niya daw maatim na magreklamo ang pasahero. Saludo ako kay manong kung kaya pala kay lamig ng kanyang Vehicle From Heaven (VFH)

Dahil sa pagiging patas na mamahayag ay aking tinakpan ng spraypaint gamit ang MSPaint ang nasabing plate number upang ma-protektahan ang pribadong aspeto ng buhay ng may-ari at drayber. Pero kung gusto niyong malaman kung ano ang plate number o kanyang ‘Taxi Name’ o whatever you call it ay di ako magdadalawang isip ibigay sayo.

AWANG-AWA ako sa mga sakay ng FX, malamang lahat sila ay nagmamadali kung kaya’t pinagtiyagaan nalang ang VFH666 kahit kasing itim ng gulong ang budhi ng sino mang may-ari nito. Di manlang ipaayos o kaya eh mahimlay sa pinaka-malapit na junk shop.

Oo, naghahanap buhay nga naman si manong Satan pero parang pang gugulang na din yun diba? Alam kong dumaan sa isip mo na baka ang sama-sama ko, pero sa tingin ko ay tama lang na ipahayag ito, nakita ko ang mga pasahero na todo paypay sa kanilang mga sarili, nakita ko ang sarili ko. Kawawa yung isa sa likod na may kasamang bata. At bago kayo ma-excite ay eto na ang mga pictures.

Gumamit ako ng Adobo Puto Shop sa pag edit ng picture.



Target locked. Introducing the VEHICLE FROM HELL!





Impyerno FX. At bukas ang mga bintana, tapos AIR CONDITIONED?! lol.





Featuring the driver! Its Satan!





Mukhang pwede na akong maging undercover o kaya masali sa Imbestigador o XxX!




Ayus yung gulong pero di mapa-ayos ang a/c? badtrip!


Natupad na din ang pangarap kong tapusin ang Kwentong FX. Pero malay natin, baka bukas ay may masakyan nanaman ako.

Astig din at kahit paano ay nakuhan ko pa ng picture ang VFH.

*BOW*

Wala na akong masabi, nasa picture na lahat.

Pero malay natin, baka may kasunod pa nga ito...




- JLongboy.

Nang ma-high blood ako sa substitute professor. (Aking opinyon)

First day ng klase ng summer.

Ok yung prof namin, mabait, medyo duda kami sa kasarian niya ngunit hindi ito nakaka-apekto kung sino siya. Magaling siya magturo at hindi ganoon kahihirap ang binigay niyang mga activity. Medyo nakakatakot lang boses at muscles niya.

Second day ng klase.

After 15 minutes at kung wala pa ang prof niyo ay pwede nang lumabas ng classroom. Pero habang nagbabalak na akong lumabas ay biglang pumasok ang isang matandang babae (60's) at biglang tinanong kung sino ang prof namin at sinagot naman ito ng kaklase ko.

Biglang bumanat ang matanda na tipong sarcastic dahil kulang ang nasabing pangalan ng kaklase ko. Medyo nagdilim ang paningin ko dahil kahit sino yata samin ay imposibleng maalala at masabi ang pangalan dahil sobrang hindi common ang apelyido ng prof namin. Nayabangan ako sa matandang yun at siya pala ang prof namin sa araw LANG na iyon.

Nalaman ko na substitute prof lang pala siya, ayoko siyang tawaging prof kung kaya't itago na lamang natin siya sa pangalang, HUKLUBS.

Oo nga pala, ang sipag ng prof namin no? Absent agad?!

Oo, mahina nga ako sa math, ganoon din ang ILAN sa mga kaklase ko kung kaya nga kami nagsa-summer para balikan ang naiwanang subject. Pero imbes na i-motivate kami eh parang binabaon pa kami paibaba.

Nag-init talaga ang ulo ko ng sabihin niya ito.

"Dapat pala hindi na ako gumising ng maaga kung alam kong mga TANGA ang tuturuan ko..."

Aba! Anloko! Sa buong buhay ko ay ngayon lang ako nakatanggap ng ganyan sa isang GURO. Mabuti pa sanang sabihan ako ng tarantado o gago at kung magulo man kami sa klase eh. Pero hindi eh, tahimik kaming nagso-solve ay biglang lumabas sa bibig niya yun.

Pumasok sa isip kong tumayo at ipamukha sa kanya na wala siyang kwenta, hindi siya kagalang-galang! Para niya na rin kaming tinapon sa mainit na mantika habang nakagapos. Pero pinili kong magmaktol sa upuan ko. Syempre hindi lang naman ako ang napikon sa amin pero dahil nga summer classes ito ay ayoko ng gumawa pa ng ikakapahamak ko.

Labas pasok siya sa klasrum, isang beses ay umupo na siya at sinabihan na naman kaming 'tanga'.

Habang sinasabi niya yun ay tinuon ko ang mata ko sa kulubot niyang mukha. Nginisihan ko siya, binuksan ang videocam ng cellphone upang antayin ang pagsabi niya ng 'magic word'.

Pero hindi na ito nangyari dahil mukhang nakaramdam si Huklubs.

Ito lang masasabi ko, minsan kong pinangarap maging professor at lagi kong tinatak sa sarili ko na hindi kahit kailan man ay huhubaran ko ang kumpyansa ng mga magiging estudyante ko. Imbes ay suotan sila ng baluti na tinatawag na 'lakas ng loob' para iharap sa tao.

Hindi yung mahina ka na nga ay binibigwasan ka pa sa sikmura.

Eto na ang punto ko.

Para sakin ay WALANG KARAPATAN maging guro ang sinumang katulad ni HUKLUBS.

Tanggap ko na may ibat-ibang klase ng prof sa mundo. Merong terror, adik, kaya ng estudyante at anu-ano pa.

Ayos lang yun eh, pero kung madumi na nga ang damit eh nilabagan mo pa.
Wag sana natin yurakan pa ang mga estudyanteng pinipilt bumangon sa bangungot na itago nalang natin sa katawagang 'kapabayaan' at ngayong lumalaban kami sa katamaran ay sana naman maging sensitibo kayo.

Paano kaya kung sabihan ng guro ang anak mo na:

"ANG TANGA TANGA MO! Ahihihihi!!! Sabihin mo sa nanay mo sinabi ko yun sayo ha!"

Matutuwa kaya si Huklubs? Malamang hindi.

badtrip lang madinig ito sa 2nd day ng klase. totoo naman diba?

Isa nanamang professor na walang passion sa pagtutro. Sahod lang ang habol. Walang pakialam sa nararamdaman ng estudyante niya.

----

Naalala ko tuloy ang sinabi sakin ng paborito kong prof.

" Alam mo, hindi ko kinoconsider na prof ako na parang mas mataas ako sa estudyante ko. Pantay pantay lang tayong lahat dahil meron kayong bagay na hindi ko alam at hindi ko din kayang gawin at ganun din naman kayo sa akin. At pag naramdaman ko na prof na ako at mas mataas na ako sa inyo, ayoko nang magturo... "

Hindi ko naman sinabi na ganyan ang gawin lahat ng prof pero bigla ko itong naalala noong oras na niyuyurakan kami. Sana nagets niyo yung point nung linya sa itaas. Noong sinabi niya sakin yan ay dadalawa lang kaming naglalakad pabalik sa kabilang building at aminado akong tumaas ang respeto ko sa kanya at maging sa akin sarili. Dumaan sa isip ko na maging prof.

At bilang lang ang mga totoong guro. At salamat sa mga totoong guro na walang sawa na humuhubog sa mga estudyante ngayon.

At hindi karapat-dapat tawaging guro si Huklubs.

- JLongboy


miss ko na talaga ito...

Friendster is soooo precise...

Hmmm... Nice feature... Medyo malabo kaya click niyo nalang to. :

http://i6.photobucket.com/albums/y236/JLongboy/PRECISE.jpg


Kalkulado bawat segundo. ay lab et.

-JLongboy

p.s

SUMMER CLASSES NA! WOOOT.



I <3 HSPIN Ladies.

Katamaran. Sampal sa bayag ito.

Kung meron isang bagay na gusto ko maalis sa pagkatao ko, iyon ay ang katamaran.
Sa totoo lang ay tinatamad ako mag type sa ngayon.

Ewan ko kung bakit pero noong elementary ay masipag naman ako mag-aral, sa totoo lang ay honor student ako dati, hindi naman sa hindi na ako masipag ngayon, kumbaga sobrang enthusiastic ako noon, ngayon ay hindi na.

Katamaran, isa sa mga dahilan. Kahit anong motivation pa ang gawin ko para hindi ma-late o para gumawa ng isang activity sa klase. Isa sa mga motivation na ginawa ko sa sarili ko ay pag-alarm ko sa cellphone ko, anong bago dun? Eto...

Nilalagay ko yung pangalan ng crush ko sa 'alarm' para mag nagising ako ay yun ang mababasa ko, tapos bigla na akong magmamadaling pumasok para makita siyang dumaan sa building namin. Ang weird diba?

Pero kahit sino pa yatang babae ang ilagay ko sa 'alarm' eh talagang di maiiwasang ma-late talaga ako. Minsan naman ginagalingan ko nalang sa isang klase kasi nandun yung crush ko.

Mahirap ganahan mag-aral, dahil sa dami ng distractions sa paligid. Pero kahit ganoon ay nakaka-1.5 pa naman ako sa class card. At sinusumpa ko ang NSTP, ang kaisa-isa kong bagsak. Bakit? Kasalanan ko. Tamad.

Kung tutuusin mo, kung hindi siguro naimbento ang salitang tamad, may tamad kaya ngayon?
Malamang oo, malamang wala. Kasi isipin mo nalang kung ganito :

Nanay: Anak, tulungan mo nga ako sa paghahanda ng hapagkainan.
Anak: Mamaya na ma... Kasi... Ano ba.... Ahhh...
Nanay: Ano?! Halika nga!
Anak: Teka, may gagawin pa pala akong assignment!

O diba, napaka-gandang buhay! At least mababaling natin ang sarili natin sa ibang bagay tulad ng school activities!

Pero malamang, hindi rin. Kung hindi ba naimbento ang salitang 'sex' edi wala ring magse-sex?

Malabo ang mundo, minsan talaga kahit anong tulak ang gawin mo sarili mo ay may pilit pa rin na humihila sayo, pero ang totoo ay nasa satin na yun. Kung wala kang magawa, talo ka.

Ngayong summer ay kinakailangan kong kunin ang mga back subjects ko, ngunit walang open na subject kundi ang Math (ang malas!), kaya minabuti ko nalang kumuha ng advance subjects tulad ng Soc Anthro at Rizal.

Aminado ako, mahina ako sa Math, kumukuha pa nga ako ng tutor noong high school every periodical exams. Naduduwal ako pag nakaka-kita ng numbers, variables at kung anu-ano pang mga numerical symbols. Noong last sem, di ko naipasa ang Math1 ko dahil sa labis na katamaran. Kokopya na nga lang ng sagot sa kaklase ay kinatatamaran pa. Kaya ngayon ay pagbabayaran ko ang di-wastong pag-uugali.

Kaya ngayong papasok na ang third year, iniisip ko, dahil sa labis na katamaran ay mukhang forever nasa free section na ako. Walang sariling kaklase, ka-grupo, karamay at ka-production. Walang permanenteng mundo, mabubuhay mag-isa kasama si Park. lol.

Sa totoo lang, gustong gusto kong maging 'Free-Sec' kasi halos lahat kakilala mo, bawat isang section may ibat-ibang kwento, katalinuhan, kaalaman, hamon at pinag-dadaanan. Masarap mapabilang sa madaming mundo, madami kang pagpipilian at matutunan.

Pero ngayon, third year, kailangan ng kakapit at kabisig sa bawat plano at kakaharapin sa bawat grupo na sasabak sa matinding pressure at stress. Pero gusto ko din ang mapag-isa, pero hindi sa ganitong paraan.

Do I have the balls to survive? - Oo, wag lang akong babayagan.

Nasa Masskom ako, di ko alam kung kakayanin ko ang free section ngayon, walang problema ng second year eh. Pero dahil nandito na ako, wala na akong magagawa pa. Pero hindi pa sure na magiging free sec nga ako 'forever' pero ganoon pa man ay handa na ako. Salamat din sa mga third year at fourth year na free na umaalalay at binibigyan ako ng gabay kung anong pwede kong daanan sa pagiging 'isa'.

Dumating na ang oras ng paghuhukom. Wala nang oras tamarin pa.


Joseph Longboy po, para sa darating na eleksyon. *bow*


- JLongboy.



sepia... oooohhhhh....

Flipspin meeting, f*ck the fastfood and short films.

Kahapon, sabado, pumunta ako sa Flipspin meeting kung saan ay tuwing sabado ay nagkikita ang mga yoyo players. Ako, sa totoo lang ay ngayon nalang dumaan ulit dahil tinatamad ako magyoyo pagkatapos sa mahabang byahe. Malayo na sakin ang Glorietta mula samin sa Fairview.

Masaya ako kahit konti lang kaming naka-punta, madami kasing naguluhan kung tuloy ba yung swimming party o hindi.

Ang sarap din panoorin at matuto ng bagong tricks, lalo na kay Sean na nag 3rd place sa AP noong nakaraang December sa Malaysia. Ito ang ilan sa mga pictures.


Si Sean, idol ko... Haha!



Ako, di ko alam ginagawa ko dito...



Wooo, yoyo lang hangga't di na sasaway nang gwardya!



Nanonood yata ako kay Sean nito, tulala ako eh.


Si Manuel! Ang bigatin ng Bicutan! Wee! Nanalo siya sa Wowowee!



Speeder, Aquarius, Fake Dark Magic, Speedmaker = P4550.

-----------------------------------------------------------------------


Lubos na badtrip ang nanay ko kanina sa isang fastfood sa SM Fairview dahil sa kanilang napakabagal na serbisyo. Wala pang tao nung dumating kami.

Dahil nagmamadali kami ay naisipan naming kumain sa fastfood na yun upang mapabilis ang kain namin. Pagka-order niya ng 10:10AM ay sinabing 5 minutes pa daw yung burger, ayos lang yun kaya pinapak ko muna ang lembot nilang fries. At 10:20 na ay wala pa, sa totoo lang biglang napuno ang fastfood at mas nauna pang kumakain ang mga yun. Ang masakit pa nun, pareho pa kami ng mga order!

Ilang service crew na ang dumaan para i-follow up namin ang order ay wala parin, walang dumating samin. Nang na-high blood na ang nanay ko ay tumayo na siya para bumalik sa counter kung saan siya nag-order. Pero wala paring nangyari, 10:30 na.

Kung feeling mo ay nanonood kang '24' dahil sa maya't mayang paglalagay ko ng oras ay di kita masisisi.

Napikon na ang nanay ko at tumayo at hinanap ang manager. Ibang klase magalit ang nanay ko dahil di siya gumagawa ng eksena, pero dahil sa lakas ng presensya niya pag galit. Ibang klase, tahimik na galit, mas nakakatakot yun. Yun yata ang namana ko sa kanya, di kasi ako maingay pag nagalit, sobrang kalmado na parang di galit pero daig mo pa ang nasapak ng tatlong beses sa sobrang galit ko palang.

Pagdating ng order namin ay malamig ito, WHAT THE FUCK?!

Syempre na badtrip nanaman ang nanay ko at binalikan ang manager, nag-antay nga naman kami ng halos kalahating oras para sa burger na yun tapos malamig pa?!

Binalik namin ulit ang burger at pinalitan ito ng mainit-init na.

Nabadtrip ako sa kanilang civilian security guard na akala mo ay may masama kaming ginagawa, dahil habang kumakain ay lumalapit siya banda samin, sinisipat kami sa pagkain.

Sinamaan ko siya ng tingin, as in sobrang sama, kung close tayo alam mo ang ibig kong sabihin, medyo naka-ngiti pa ako, medyo sarcastic ko siyang tinitigan, lumakad siya at pasimpleng tumitingin din, medyo na na-imbyerna siya sa tingin ko dahil ikot siya ng ikot at masama pa rin ang tingin ko kahit saan siya tumingin. Nadamay din sa ang manager sa tingin ko, takte, takot na takot at tumalikod pa.

Tumayo ako dinaanan ang gwardya, matangkad din pero mas matangkad ako, pagdaan ko sa kanya ay tinitigan ko siya sa mata. Imagine nanonood ka ng anime na may kidlat effects pa.

Eto ang punto ko, wala kaming masamang ginawa, bakit ganon sila maka-asta. Ang fastfood na ito ay kilala sa kanilang chicken.

CLUE: Katapat ng Body Shop ang fastfood na ito.

======================================================

Masaya ako at natuwa ang prof namin sa pagpapalabas namin ng short film kahit medyo alam kong madami akong pagkukulang sa mga na-edit kong film. At mas lalo akong natuwa nang sinabi ng prof ko na kung gusto namin i-reshoot ang film ay magpoprovide daw siya ng gamit tulad ng lights at sana may camera. lol.

Abangan niyo nga pala ang mga susunod naming gagawin film. Ayus na lahat ng storyboard at kwento. Medyo gipit lang sa oras.

- Block 11 Lot 13. -Re-shoot, better editing software and lights
- Palapag. - Short film na original idea ko.
- Dokyu. - Full Length na film na pinangalang 'Dokyu'. Idea ni Jet.
- Kambal sa Labas. - Kwento palang. Lalapatan palang. Idea ko,

Sigurado akong di namin matatapos ito ngayong bakasyon pero sobrang excited na akong magawa ito. ^^

Gumagamit ako ng Pinnacle at Ulead ngayon sa pag- edit. Naga-Adobe din ako pero ayaw tanggapin yung .avi format ng videocam ko.

Anyway, salamat nga pala sa mga 4th year na ngayon na nakapanood ng film naming Block 11-13. Natuwa ako sa response niyo, lalo akong ginanahan na gumawa ng bago.

Pati na rin sa mga kaklase ko natuwa sa film, SALAMAT.

SALAMT DIN KAY JULIAN CRUZ. Para sa pagpapahiram sa kanyang gawang Block 11-13. Napaka-gandang kwento ser! Salamat!


SALAMAT DIN KAY SIR BABSIE MORABE. Dahil sa kanya ay nabukasan ang isipan namin sa mga ganitong bagay. Iba ka sir!

++++++++++++++++++++++++++++++++++++++++++++++++++++


Asia Soy Milk. = current addiction. AY LAB ET.

The best! Natural ang lasa, walang artificial na pampatamis kang malalasahan! Di katulad ng nasa Glorietta, parang gatas ng baka ang lasa.


-JLongboy